Baka Sakali

Sa ginintuang araw ng kinakalawang na daigdig

Sa malakas na pagtibok ng nanghihinang dibdib

Nadaragdagan ang bigat sa bumitaw nang pag-iisip

At nababawasan ang katotohanan sa bumabangon na panaginip

Sa pag-iyak ng di dumidilat na mga mata

Tinatanong ang kawalan kung nasaan ka

At baka sakaling ika'y masilayang muli

Sa pagitan ng ginhawa at ng hindi natatapos na hapdi

Sa tamis ng mga salita sa bawat tula

Na ginawa, isinulat sa ngalan ng tugma

Aking susubukang hanapin ikaw na nawala

At baka sakaling sa gitna ng mga linya...

ay nandoon ka.

Photo by Rainrose Fernandez