Malakas, matapang at maaasahan. Ganiyan kita kung ilarawan.
Palagi kang nasa tabi ko kapag ikaw ay kailangan. Mahihingian ng tulong kahit
saan pa 'man. Masipag, maaruga at mapag
mahal. Ito pa ang mga katangian mo na aking
minahal. Ikaw ang unang lalaking sa akin ay nagmahal ng ako ay iluwal. At kahit
sa tigas ng ulo ko ay hindi mo ako kayang ibuwal. Ikaw ang aking naging sandalan
tuwing ako ay nasasaktan at makakapitan sa oras na ako ay nangangailangan. Mga problema
ay lagi mong binibigyan ng paraan. Lahat-lahat ay ginagawa, maiahon lang kami
sa kahirapan. Kaya salamat, dahil, kahit kailan 'man ay hindi mo kami pinabayaan.
Hindi ka 'rin nagkulang sa iyong mga pangangaral. Istrikto ka 'man ngunit hindi
nakakasakal. Pinapaalala mo lang kung ano ang mga bawal. At ng may matutunan kaming
mabubuting aral. Ikaw ay aking pinupuri dahil sa iyong katangian. Tunay nga naman
na ikaw ay dapat na hangaan. Isa kang huwaran na haligi ng tahanan. Kaya Papa,
salamat sa iyong kadakilaan.
Photo link: https://goo.gl/images/NhFftt
No comments:
Post a Comment